நிலையங்களை நிருவகிக்கும் கிளை

கலாசார நிலையங்களின் தாபன மற்றும் நிருவாக ரீதியான கண்காணிப்பு நடவடிக்கைகள் இப்பிரிவினால் மேற்கொள்ளப்படுகின்றன.

கிளையினால் ஆற்றப்படுகின்ற சேவைகள்

கலாசார நிலையங்களில் சேவையாற்றுகின்ற சகல அலுவலர்களினதும் சுயவிபரக் கோப்புக்களை பேணிவருதல், சம்பளங்களை பேணிவருதல், சம்பள ஏற்றங்களை தயார் செய்தல், வினைத்திறன்காண் தடைப் பரீட்சைகளை நடாத்தல், சம்பள திருத்தங்களை தயார் செய்தல், இடர் கடன், ஆதனக் கடன், உற்சவ முற்பணங்களை அங்கீகரித்தல், லீவு, வெளிநாட்டு லீவுகளை அங்கீகரித்தல், அக்ரஹார காப்புறுதி, மின்சாரப் பட்டியல்களை செலுத்தும் நடவடிக்கைகள், சேவையை உறுதிப்படுத்தும் கடிதங்களை வெளியிடுதல், ஓய்வூதியம் சம்பந்தமான சகல நடவடிக்கைகளும், ஆட்சோ்ப்பு நடைமுறைகள், பதவி உயர்வுகளை தயார் செய்தல், வருடாந்த இடமாற்றங்கள்

வெளிநாட்டு உறவுகள் கிளை

இலங்கையின் கலாசாரத்தை உலக சமுதாயத்தினர் மத்தியில் பிரபல்யப்படுத்துவதும், மேம்படுத்துவதும் மற்றும் சர்வதேச கலாசார அம்சங்களை இலங்கை மக்களின் ரசனைக்காக சமர்ப்பித்தல் மற்றும் சர்வதேச தொழில்நுட்ப ஒத்துழைப்பை வளர்த்துக் கொள்வது இக்கிளையின் பொறுப்பாகும்.

தற்போது எமது அமைச்சு செய்துகொண்டுள்ள புரிந்துணர்வு உடன்படிக்கைகளின் எண்ணிக்கை 49 ஆகும் என்பதுடன் இவற்றில் சுயமாக இற்றைப்படுத்தப்படும் உடன்படிக்கைகளின் எண்ணிக்கை 40 ஆகும். புதுப்பிக்கப்படவுள்ள உடன்படிக்கைகளின் எண்ணிக்கை 09 ஆகும் என்பதுடன், செய்துகொள்ள உத்தேசிக்கப்பட்டுள்ள உடன்படிக்கைகளின் எண்ணிக்கை 18 ஆகும். கைச்சாத்திடப்பட்டுள்ள உடன்படிக்கைகளுக்கு அமைய உள்நாட்டு, வெளிநாட்டு கலாசார பரிமாற்றல் நிகழ்ச்சித்திட்டங்கள் அமுல்படுத்தப்படுவதுடன், வெளிநாட்டுக் கலாசார உறவுகள் கிளையின் பிரதான பணிகள் பின்வருமாறாகும்.

• கௌரவ அமைச்சர் மற்றும் பிரதி அமைச்சரின் வெளிநாட்டு விஜயங்களை ஒழுங்கு செய்தல் மற்றும் ஒருங்கிணைப்புச் செய்தல்.
• கலாசார குழுக்களை வெளிநாடுகளுடன் பரிமாற்றிக் கொள்ளல்.
• கற்புலனாகும் மற்றும் கற்புலனாகாத கலாசார துறைகளில் நிபுணர்களை பரிமாற்றிக் கொள்ளல்.
• வெளிநாட்டுக் கலாசார கண்காட்சிகள் மற்றும் நிகழ்வுகளை இலங்கையில் நடாத்தும் போது ஒத்துழைப்பு வழங்குதல்.
• கலாசார உடன்படிக்கைகள் கைச்சாத்திடப்பட்டுள்ள நாடுகளுடனான உறவுகளை மேம்படுத்துவது தொடர்பில் நடவடிக்கை மேற்கொள்ளல் மற்றும் புதிய உடன்படிக்கைகளை ஏற்படுத்துவது தொடர்பிலான நடவடிக்கைகளை மேற்கொள்ளல்.
• UNESCO, SAARC, BIMSTEC, ICCROM போன்ற சர்வதேச நிறுவனங்களினால் வழிநடாத்தப்படுகின்ற நிகழ்ச்சித்திட்டங்களை ஒருங்கிணைப்புச் செய்தல்.
• சர்வதேச கூட்டங்கள், கருத்தரங்குகள், செயலமர்வுகள் போன்றனவற்றுக்கு அலுலவர்கள் மற்றும் தேவையான சந்தர்ப்பங்களில் இலங்கை தூதுக் குழுக்களை பங்கேற்கச் செய்வது தொடர்பிலான ஒருங்கிணைப்பு நடவடிக்கைகளை மேற்கொள்ளல்.
• தற்போது அமுலில் உள்ள உடன்படிக்கைகளைக் கொண்ட நாடுகளுடன் கலாசாரக் குழுக்கள், பயிற்சி நிகழ்ச்சித்திட்டங்கள், கண்காட்சிகள் போன்றவற்றை ஒழுங்கு செய்தல் மற்றும் ஒருங்கிணைப்புச் செய்தல்.
• சர்வதேச கலாசார போட்டிகள் பற்றிய ஒருங்கிணைப்பு நடவடிக்கைகள்.

மேற்படி நடவடிக்கைககளுக்கு மேலதிகமாக கலாசார உடன்படிக்கைகள் கைச்சாத்திடப்பட்டுள்ள நாடுகளுடனான உறவுகளை மேம்படுத்துவது தொடர்பில் நடவடிக்கை மேற்கொள்ளல் மற்றும் புதிய உடனடிக்கைகளை செய்துகொள்வது தொடர்பிலான நடவடிக்கைகளை மேற்கொள்வது இக்கிளையினால் மேற்கொள்ளப்படுகின்றது. பின்வரும் நாடுகளுடன் புரிந்துணர்வு உடன்படிக்கைகள் கைச்சாத்திடப்பட்டுள்ளன.